5. júlí 2022

Febrúar 2020

Stjórnarfundur LBL 13/2 2020 kl. 20:30 Mættir: Vigfús, Ómar, Stefanía, Guðrún, Sigríður og Björgvin Stefanía gerir grein fyrir Slóvakíuverkefnunum sem eru tvö – stórt og annað minna og afmarkaðra. Bæði eru í styrkumsóknarferli og enn að nokkru í mótun. Framfarafélag Fljótsdalshéraðs er jákvætt gagnv

Stjórnarfundur LBL 13/2 2020 kl. 20:30

Mættir: Vigfús, Ómar, Stefanía, Guðrún, Sigríður og Björgvin

Stefanía gerir grein fyrir Slóvakíuverkefnunum sem eru tvö – stórt og annað minna og afmarkaðra. Bæði eru í styrkumsóknarferli og enn að nokkru í mótun.

Framfarafélag Fljótsdalshéraðs er jákvætt gagnvart því að taka þátt í minna verkefninu með LBL. Svör við styrkumsókn þeirra í Slóvakíu berast væntanlega í mars. Þetta verkefni snýst um að ná saman einhverjum ungmennum (úti á landi) sem eru eða hafa verið að ljúka einhverju námi og eru til með að ræða spurninguna um áframhaldandi búsetu á heimaslóðum. Annað stig umræðunnar og einhverrar fræðslu væri um hvernig þetta fólk gæti styrkt stöðu sína til að skapa sér betri framtíð í byggðarlaginu.

Síðan færi umsjónaraðili með líklega svo sem 2 ungmennum til Slóvakíu í október (um 20. okt.) til fundar við þá sem þar vinna að þessu verkefni. Þessi heimsókn yrði svo endurgoldin hingað í nóvember. Rætt um að eystra yrði leitað eftir samstarfi við Austurbrú og hvort þar sé t.d. námskeið sem gæti nýst í þessu sambandi.

Stærra verkefnið og til lengri tíma hefur með að gera könnun á stöðu ýmissa hópa fólks sem um lengri eða skemmri tíma búa við einhverjar takmarkanir.

SIGNS-verkefnið var nefnt. Renata frá Búlgaríu hafði samband og lét vita um að lokaskýrsla verkefnisins hefði verið samþykkt svo von væri á uppgjöri (lokagreiðslum) áður en langt liði.

Samstarf við Norræna félagið enn í umræðu. Stefanía og Sigríður funduðu með Ásdísi framkvæmdastjóra í síðustu viku. Enn rætt um Árna Páls-skýrsluna í þessu sambandi. Stefanía ræddi við Rannís – námskeið (fræðslustarfsemi) þarf til að fá styrk. Norræna félagi kæmi til með að eiga verkefnið en við samstarfsaðilar. Berglind hjá Farsæl öldrun (sem við hittum hjá Lýsu á Akureyri) með góða hugmynd. Byggir á sérstakri hópvinnu, m.a. tengd umhverfismálum, minni neyslu og sóun en meiri endurnýtingu. Spurning um styrk – í tengslum við erlend aðila og námskeið í haust. Endi sem sjálfbær námskeiðspakki sem nýst gæti til að virkja Norrænu félögin og okkar félög.

Nordregio verður með veffundi sem hægt er að skrá sig inn á til þátttöku. Ómar skoðar þetta mál.

Háskólasetur Vestfjarða býður til áhugaverðrar ráðstefnu 24/25 apríl næstkomandi undir yfirskriftinni: Samfélag og náttúra – stál í stál eða hönd í hönd? Ómar skoðar möguleika á að fara vestur. Einnig nokkur áhugi austur á Héraði fyrir ráðstefnunni. Rætt um að LBL gæti styrkt einn eða tvo ráðstefnufara.

Nokkuð rætt um eilífðarmálið lækkun persónuafsláttar (og fleira). Við þyrftum að hafa útreikninga á þessu máli til að vera betur umræðufær á þessu sviði.

Fleira ekki tekið fyrir

Vigfús Ingvar, fundarritari