Dræm sala veldur fjölgun hrossa

| 25.07.12, 22:23 | 2059 |

Geitum fjölgar hægt en örugglega

Geitum hefur fjölgað um tæp þrjúhundruð á landinu á síðust fimm árum og voru í fyrra ríflega áttahundruð talsins. Verulegar áhyggjur voru af því að íslenski geitastofninn gæti hreinlega þurrkast út en árið 1983 voru til að mynda ekki nema 200 geitur í landinu. Geitastofninn er nokkuð dreifður um landið en þó er ekki ein einasta geit á Vestfjörðum. Flestar eru geiturnar á Vesturlandi, ríflega 300 talsins. Er líklegt að þar gæti áhrifa frá Geitabúinu á Háafelli í Hvítaársíðu en Geitfjársetur Íslands opnaði einmitt formlega þar síðasta laugardag.



Þetta er meðal þess sem kemur fram í búfjártölum Matvælastofnunar en tölur síðasta árs voru birtar í síðasta mánuði. Í tölunum má sjá að hrossum fjölgar milli ára og voru á síðasta ári 78.277, ríflega þúsund fleiri en árið 2010. Sú tala rímar við það hversu sala hefur á hrossum úr landi eftir hrun hefur verið dræm. Hins vegar verður án efa athyglisvert að sjá fjölda hrossa í tölum fyrir yfirstandandi ár þar eð vitað er að óvenju miklum fjölda hefur verið slátrað á þessu ári. Ástæður þess hafa bæði verið dræm sala og einnig minni heyfengur víða um land í fyrra. Langflest hross eru á Suðurlandi, ríflega 28.000.

Nánar er fjallað um fjölda búfjár í landinu í nýju Bændablaði sem kemur út á morgun.
Heimild: BBL.is